Sykkelklubben opnar Pumptracken laurdag 22. september, og arrangerer i samband med det mange aktivetar i og kring Myklebustflata. Dette avsluttar Gloppen Kommune si «Europeisk mobilitetsveke» som blir synleg heile komande veke

Det blir offisiell snorklipping av klubbmedlem Knut Roger Nesdal (som tilfeldigvis er næringssjef). Som vi veit har kommunen ein stor del av æra for at PumpTracken er komen på plass.

I tillegg er det rebusløp i nærområdet for dei minste og frå grillen serverer vi utsøkte grillpølser 0g sjølvblanda saft.

Tord Hafnor tar ungar/ungdom med inn i grovsyklingens rike – på guida tur i Langisane-området. Mange klubbmedlemer er ivirige på Swift-rullene sine, og vi riggar til eit fullt oppsett slik at alle som vil kan få seg ein sykkeltur til ein storby.

Då kryssar vi fingrane for at metrologane tar kraftig feil med sine dystre verutsikter. Vi oppmodar alle i klubben til å kome – i drakt 🙂